Leave Your Lover (Part 9)

By:Pascal

Isang linggo mahigit na ang nakakalipas hindi parin kami nag uusap ni Mark. Sa totoo lang namimiss ko na sya. Hindi na ako galit sa kanya. Ewan ba bigla nalang nawala lahat ng galit ko sa kanya. Hinihintay ko nalang talaga ang muli nyang paghingi ng tawad pero parang nagsawa na yata sya. Mula kasi ng makabalik kami sa syudad alam ko namang sinusubukan nya talaga na kausapin ako pero ako talaga yung umiiwas sa kanya. Ginawa ko talaga lahat para lang di kami makapag usap. Yah i know i know masyado akong pabebe. Kasi naman naisip ko baka ito na yung way para maka move on ako bes kaagad yung hindi namin pag uusap. Baka sakali masanay ang puso ko na hindi sya nakikita chos! Pero parang kabaligtaran bes. Mas lalo ko pa yata namimiss ang mokong. Hay naku! Kelan ba nya ako kakausapin ulit? Ready na akong patawarin sya.

Weekend ngayon kaya naisipan ko pumunta ng mall. Alam mo na para bumili ng mga bagong damit at ano ano pang mga kaek ekan sa katawan. Bagong padala si mudrabels at pader dear kaya excited talaga ako. Habang namimili ng mga damit biglang may babaeng tumawag sa pangalan ko.

Tricia: shaun! Shaun!

Me: oh tricia ikaw pala. Anong ginagawa mo dito?

Tricia: nagsuswimming? Ahahahhaha ( sabay pakita ng mga paper bags na hawak nya)

Me: ahahahahhahaha (gusto mo tampalin kita?)

Tricia: mag isa mo lang?

Me: bakit tricia may nakikita ka pa bang ibang kasama ko dito? (Sabay lingon sa left and right side ko) ( oh diba nakabawi ako dun- tricia wag ako hahahha)

Tricia: hahahah ikaw talaga shaun nakakatuwa ka talaga.

Me: (huh! Ano ako isang joke)  ahahahha. Eh ikaw nasaan si Mark? Di mo ba kasama?

Tricia: hmmmmmmm... Kumain ka na ba?

Me: (di ako singot teh) di pa nga eh.

Tricia: tara kain tayo treat ko na.

At agad akong hinila ni tricia at naghanap kami ng makakainan.

Me: thank you tricia sa treat nag enjoy ako.

Tricia: wala yun. Sya nga pala aalis na ako bukas pabalik ng Canada.

Me: huh!? Bakit ang bilis? Akala ko pa naman magsstay ka ng matagal dito?

Tricia: hindi na.

Me: paano si mark? Anong sabi nya?

Tricia: ang totoo nyan break na kami ni Mark.

Wait lang tama ba narinig ko?

Me: huwaaaaaaaat!? Bakit anong nangyari?

Tricia: nalaman nyang meron akong iba.

Me: huwaaaaaaaat again!? Pano nangyari yun? (Anong kalandian yan tricia?)

Tricia: ang totoo nyan meron akong naging boyfriend sa Canada at kami pa ni Mark nun, nagkaroon kami ng misunderstanding dahilan para magbreak kami sumabay pa yung problema sa family ko kaya naman nagdesisyon kong umuwi dito sa pilipinas at balikan si Mark. Sobrang gulong gulo ako noon at naisip ko na tanging si Mark nalang ang makakapitan ko gaya nong mga panahong dito pa kami naninirahan sa pilipinas.

Me: oh eh break na pala kayo nun eh bakit naging issue nyo pa ni Mark?

Tricia: ang totoo kasi nagkabalikan kami 1 month mula nung umuwi ako dito at hindi yun alam ni Mark.

Me: so tinutime mo si Mark.

Tricia: akala ko kasi mahal ko pa sya. Madami na pala nagbago sa amin.

Me: eh bakit pinagpatuloy mo pa eh hindi mo na pala sya mahal.

Tricia: hindi ganon kadali yun para sa akin shaun. Ayaw ko din sya saktan. Humahanap lang ako ng magandang tiempo para sabihin sa kanya.

Me: (sabihin mo malandi ka lang talaga) so kelan nya nalaman.

Tricia: 3 days ago nahuli nya akong kachat yung isa.

Me: grabe ka tricia pano mo nagawa yon kay mark. Pano mo nagawa yon sa kaibigan ko.

Tricia: shaun sorry. Maiintindihan ko kung magagalit kadin sa akin. Kasalanan ko talaga.

Me: eh kumusta si mark? Anong sabi nya nung nalaman nya?

Tricia: yun nga ang pinagtataka ko eh hindi man lang sya nagalit. Sinabi lang nya na maghiwalay na kami at ayaw na nya akong makita.

Me: dahil ganon ka nya kamahal tricia.

Tricia: ganon ba yun? Sa totoo lang malaki narin ang pinagbago ni Mark. Hindi na sya yung tulad ng dati.

Me: alam mo kung di mo lang ako nilibre ngayon eh sinampal na kita kanina pa.

Tricia: grabe ka naman shaun. Please wag ka narin magalit sa akin. Sayo ko lang sinabi ito.

Me: hay naku ewan ko sayo tricia. Nanggagalaiti talaga ako sayo. Kumusta na kaya si Mark ngayon baka depress na depress na yun ngayon. Wait lang tawagan ko nga............ Hindi ko sya makontak. Nakapatay yata phone nya.

Tricia: shaun... Yun nga may ipapakiusap sana ako sayo. Please bantayan mo si mark palagi. Wag mo syang pababayaan.

Me: tricia gagawin ko yun kahit di mo sabihin.

Tricia: shaun may tanong ako sayo.

Me: ano yon?

Tricia: mahal mo ba si Mark?

Me: huh ? Ah eh.....

Tricia: shaun! Mahal mo ba si Mark?

Me: ah eh.., oo

Tricia: sabi ko na nga eh. Matagal ko ng napapansin.

Me: ahhhh.. ehhhh...  Ahhhhh...tricia wag mo sabihin kay Mark at kahit kanino please. Pinipilit ko naman syang kalimutan na eh. Kayo lang ni eric ang nakakaalam.

Tricia: wag kang mag alala shaun wala akong pagsasabihan at di rin ako galit sayo ha just so you know.  Basta ipangako mo sa akin na aalagaan mo sya. .... Sya nga pala bakit parang di kayo nagpapansinan may nangyari ba?

Me: ahhhh.wala naman. Busy lang kami pareho.

Tricia: hmmmmmmp. Basta ipangako mo sa akin ha.

Me: oo tricia,, parang ako pa tuloy ngayon ang may atraso sayo.

Tricia: shut up ka nalang shaun. O sya aalis na ako. Mag iingat ka. Regards nalang sa mga kaibigan natin. Di na ako makakapagpaalam sa kanila.

At niyakap ako ni tricia bago sya umalis. Hindi ko maexplain yung nararamdaman ko kung matutuwa ba ako o malulungkot. Sabagay magbreak man sila o hindi may magbabago ba? Wala parin naman. Isa parin akong hamak na kaibigan nya na never nyang magugustuhan. Pero kumusta kaya si mark ngayon? Malamang hindi yun ok. Grabe pala yung pinagdadaan ni mark ngayon dumagdag pa ako.

Hindi ko na tinapos ang pagsashopping ko at dumeretso na ako sa dorm ni mark.

Tok tok tok!

Mark: oh shaun ikaw pala.

Balot na balot sya ng kumot. May sakit ba toh?

Me: kukunin ko yung book na hiniram mo sa akin.

Mark: diba matagal ko ng naisauli un sayo?

Me: ( ai oo nga teh nakalimutan ko naisauli na nya pla yun) ah ganun ba nakalimutan ko. Teka ano bang nangyari sayo at balot na balot ka?

Hinawakan ko ang noo nya at mainit sya.

Me: mainit ka ah. Kelan pa to?

Mark: wala to sinat lang. Kanina lang to.

Me: anong sinat lang. Sobrang init nga eh. Kumain ka na ba? (Medyo mataray parin ako bes)

Mark: hindi pa. Pero may kakainin naman akong instant noodles dyan.

Me: kaya ka lalong nagkakasakit eh. Di ka kumakain ng healthy. Tabi dyan at magluluto ako.

At tuluyan na nga akong pumasok sa dorm nya. Meron naman syang groceries tamad lang talaga sya maghanda ng pagkain nya. Sabagay may sakit ang lolo nyo kaya siguro di na nakapagluto. Habang nagluluto ako ng pagkain biglang lumapit si mark sa akin at niyakap ako sa likod, umiiyak.

Mark: shaun sorry talaga sa nagawa ko sayo. Hindi ko sinasadya. Please patawarin mo na ako.

Humarap ako sa kanya. At niyakap sya pabalik.

Me: ok na yun. Di na ako galit sayo. Pinapatawad na kita. (Habang hinahagod ang likod nya)

Mark: totoo? Magkaibigan na ulit tayo?

Me: oo. Totoong totoo. Sige na umupo ka muna dun at magluluto muna ako.

Natapos na ako magluto at naghanda para sa hapunan namin ni mark. Habang kumakain..

Me: kumusta ka pala?

Mark: ok naman.

Me: kumusta kayo ni Tricia?

Mark: (1.. 2.. 3 seconds)  wala na kami.

Me: huh? Bakit? ( Kunwari walang alam bes)

Mark: meron pala syang iba.

Me: huh? Pano nangyari yun?

Mark: meron syang boyfriend sa Canada na naiwan.

Me: ganun ba. Eh kumusta ka ngayon? Ok ka lang ba?

Mark: hahaahhha ok lang sabi mo nga marami lang iba dyan.

Me: seryoso ako mark. Alam ko kung gaano mo kamahal si tricia.

Mark: syempre nasaktan ako pero hindi ganon kasakit. Hindi ko din alam kung bakit. Pero nung nalaman ko natanggap ko agad. Mabilis ko din syang napatawad.

Me: wow ah. Ang weird. Mahal nyo ba talaga ang isat isa?

Mark: ano? Hahahaha hindi ko din maipaliwanag talaga. Pwede wag nalang natin pag uspan.

Me: ok sige.

Mark: eh ikaw kumusta? Kumusta kayo ni Eric?

Me: ok naman kami. Nanliligaw parin. Actually bukas mag overnight sya sa dorm at manonood kami ng movies. Alam mo na. Movie marathon tapos parang date nadin namin.

Mark: akala ko ba mayaman yun bakit di ka man lang nya maidate sa labas.

Me: eh sawa na din kami sa labas. Palagi nalang kami lumalabas eh. Saka request nya yun.

Mark: baka mamaya may ibang pinaplano yan hah. (Pabulong)

Me: hah? Anong sabi mo di ko naintindihan.

Mark: ah wala sabi ko enjoy kayo.

Me: ahh oo naman. Ocge na bilisan na natin kumain. Yung gamot mo pala wag mo kalimutan inumin.

Mark: ok... Ah shaun pwede ba dito ka nalang matulog.

Me: ano ka ba mark. Di pwede wala akong baong damit.

Mark: damit lang ba problema mo eh ang dami kong damit. Saka may sakit ako oh di ka ba naaawa sa akin.

Me: eh mukang kaya mo naman. Saka sabi mo nga sinat lang naman.

Mark: sige na please......

Me: ok sige. Dito na ako matutulog.

Mark: yes.

Pumayag nalang din ako sa gusto ni Mark. Isa pa namiss ko din naman talaga sya para makasama ko din sya ng matagal tagal. Matipunong tao si mark pero may pagka isip bata ,yun pa yung isang namimiss ko sa kanya. As usual magkatabi kami matulog at yakap yakap nya ako bes (haba ng hair ko). Naging masaya ang araw na ito para sa akin. Nagkaayos na kaming dalawa ni Mark.

Kinabukasan medyo late na ako nagising. Nagpaalam din naman ako kaagad kay Mark. Kailangan ko pa kasing mag ayos at maglinis ng dorm ko. Nakakahiya naman kung makita ni eric na madumi may movie marathon kami mamaya at overnight sya doon. Medyo maagang dumating si Eric. Mas maaga sa inaasahan ko. 7pm plang nasa dorm na sya. May mga dala syang foods. Yun na ang dinner namin kasabay ng aming panonood. Masaya naman kaming nanonood ni eric. Nakakatawa kasi yung pinapanuod namin. Mga ilang minuto pa ang lumipas biglang may kumatok sa pinto. Pinagbuksan ko at nakita ko si Mark at meron syang daladalang malaking bag.

Me: o mark anong ginagawa mo dito?

Mark: ah nagkaroon kasi ng bara yung sa cr at sink ko di ko sya magamit ngayon. Umaapaw ang tubig.

Me: bakit anong nangyari?

Mark: ewan nga. Hindi lang naman sa dorm ko pati din sa ibang unit. Sinabi ko na sa landlord eh medyo matatagalan nga daw ang pag aayos kaya pwede ba kung dito muna ako. Mga ilang araw lang naman.

Me: seryoso ba yan.

Mark: oo

Me: so mga ilang araw ka dito.

Mark: di ko alam. Ayaw mo ba? Sige baka naaabala kita alis na ako.

Me: huy mark. Halika nga dito. Ok dito ka na muna.

Mark: talaga? Hihihihihi... Salamat

Me: sya nga pala andito ngayon si Eric.

Mark:  Nagsimula na ba movie marathon nyo? Pasali naman.

At dali dali nga pumasok si mark dala dala ang malaking bag nya. Muka nga yata talagang magtatagal sya dito sa dorm.

Mark: oh eric. Kumusta pare?

Eric: ok naman. Mukang maglilipat ka ah?

Mark: oo pare dito muna ako.

Eric: ah ganon ba.

Mark: oo may problema ba.

Eric: ah wala naman. Gusto mo sumali sa panonood namin?

Mark: oo ba.

At umupo nga agad agad si Mark sa sofa. Inagawan ako ng pwesto bes. Umupo narin ako katabi nya. Nasa gitna na sya namin ni eric. Mukang nageenjoy naman ang mokong. Natapos na namin yung isang movie at meron pa kaming isa na papanuorin. Napansin kong mukang inaantok na si Mark.

Me: mark inaantok ka na yata. Matulog ka na kaya.

Mark: hindi pa ako inaantok. Sige na isalang mo na yung sunod na papanuorin natin.

Me: sigurado ka? Teka magaling ka na ba?

At hinawakan ko ang noo ni Mark.

Me: may sinat ka parin ha. Magpahinga ka na kaya.

Mark: hindi ok lang. Sige na manuod na tayo. Si eric ang tanungin mo baka inaantok na sya.

Eric: di pa ako inaantok. Ikaw pare papikitpikit ka na kanina.

Mark: huh? Hindi ah. Hindi pa ako inaantok. Mamaya na ako matutulog.

Eric: ah ok. Teka saan ka pala matutulog eh iisa lang ang kama dito?

Mark: eh di doon sa kama.

Eric: eh si shaun saan matutulog.

Mark: edi sa kama din.

Eric: tabi kayo?

Mark: oo anong problema don?

Eric: shaun magkatabi talaga kayo?

Me: ah oo..

Eric: pwede ka naman dito mark sa sofa. Bakit di ka nalang dito?

Mark: eh mas masarap matulog sa kama eh katabi ni shaun bakit pa ako matutulog dito.

Eric: baka nasisikipan pa si shaun.

Mark: bakit ba puro ka kontra?

Me: oppss oppss! Tigilan nyo na yan. Manuod nalng tayo.

At nagpatuloy nga kami sa panunuod. Sa kalagitnaan ng panunuod namin hindi na talaga napigilan ni Mark na makatulog. Sinabi ko na nga kasing matulog na kanina eh. Pasaway talaga. May sinat parin ang mokong. Hinayaan nalang namin. Sinubukan ko syang gisingin at pinalipat sa kama pero ayaw talaga. Sinubukan nya ulit na makipagsabayan pero maya maya tulog na naman ang mokong. Di rin nagtagal natapos na ang pinapanuod namin at nagpaalam narin si Eric. Hinayaan nalang namin na nakahiga si Mark sa sofa. Ihinatid ko si Eric hanggang sa pinto.

Eric: sige shaun mauuna na ako.

Me: ok eric ingat ka.

Pero bago tuluyang umalis si eric nakanakaw pa sya ng halik sa pisngi ko na aking ikinagulat. Loko loko din ang isang yun. Nakaisa din. Hinayaan ko nalang at isinarado na ang pintuan. Nagulat nalang ako ng biglang nakalipat na si Mark sa kama. The flash ba to? Di ko namalayan ah. Iniligpit ko lang ang mga kalat naming nanuod at nahiga narin ako. Nakapikit na si Mark. Kinapa ko ang noo nya at parang mas uminit pa sya. Sinubukan ko syang gisingin pero mukang tulog na sya talaga.

Hindi parin ako makatulog. Iniisip ko lang yung mga nangyari nitong mga nakaraang araw. Totoo ngang wala na sila Mark at Tricia at si Mark kasama ko na naman dito sa dorm katabi sa pagtulog parang nung dati lang. Sa totoo lang natutuwa talaga ako. Oo alam kong mali to, iniisip ko tuloy kung tunay ba talaga akong kaibigan kay Mark. Isa pa nga hindi porke single na si Mark eh may pag asa na ako bes. Dapat talaga ilagay ko lang yung sarili ko sa tamang disposisyon. At isa pa ulit si eric ang nagbibigay ng interes sa akin. Dapat maging fair ako sa kanya. Unti unti ko narin nararamdaman ang antok. Pero bago ako tuluyang pumikit yumakap muna ako kay Mark.

Itutuloy...