By: Lamdon
Alas onse na ng gabi pero buhay na buhay pa rin ang aking diwa. Napakasaya ng paligid at halos di na kami magkarinigan ng aking mga kasama dahil sa lakas ng tugtog ng banda. Anim kaming magkakasama na naka palibot sa isang mesa na napapatungan ng isa na namang bagong bucket ng beer. Pag apat na bucket na yata ito, medyo tinatablan na rin ako pero ang sabi ko sa sarili ko ay kailangan ko gawin ito. Alam kong may tama na rin ang mga kasama ko dahil halos makipag sabayan na rin sila sa banda sa palakasan ng boses at tawa. Nasa 30 ang customer table ng sikat na bar na yun at halos lahat ng mesa ay occupied na. Ganun talaga madalas ang eksena lalo na pag weekend.
Birthday ng isang kasama namin sa trabaho at ang isa naman ay kakatanggap lamang ng letter of regularization. Kaya silang dalawa ang nagkasundong manlibre. Ako naman, dahil sa tuwa para sa kanila ay di nagdalawang isip na sumama sa gimik. Pero meron din akong ibang dahilan kaya ako sumama. Ang aking girlfriend si Michelle, ay nakakakuha ng trabaho bilang English teacher sa Japan. Pero ayaw ko siyang umalis dahil mahal na mahal ko si Michelle at alam ko napakahirap mabuhay kapag wala siya sa tabi ko. Tatlong taon na rin kaming magsyota at sa lahat ng mga naging GF ko, siya lang yata ang minahal ko talaga ng todo-todo. Napaka ganda at napakabait ni Michelle kaya walang lalaking hindi mababaliw sa kanya. Schoolmate ko siya nung high school pati college. Pero saka pa lang ako nagkaroon ng lakas ng loob na manligaw sa kanya nung naging engineer na ako habang siya naman nagtuturo sa isang malaking private school at kumukuha ng kanyang masters.
Hindi maganda ang paghihiwalay namin ni Mich kanina dahil nga ayaw ko siyang payagang umalis kaya nagkaroon kami ng pagtatalo hanggang sa huling minuto ng aming pagsasama. Napaka bigat ng aking loob ng gabing iyon kaya gusto kong makalimot at umaasa ako na matutulungan ako ng beer na makalimot kahit pansamantala lang. Sa limang kasama ko sa bar na iyon,
